قبيلة ذاكرتي

ها قد أتيت تدق بابي..
وفي غفلة
وبقبلة منك يغفو عطرك على ثيابي..
أقول لك تفضل
وفي عيني رونق من العتاب..
لا انتظر منك ردا
فلا مكان للاسف هنا
واعتذارك يسمع في رنة الجرس و الجواب..
يقتلني حضورك في بيتي
في غرفة الجلوس
كأنك وهم من سراب..
ماذا تشرب ؟
اتشرب حنين قلبي
ام تشرب قصائدي المبتورة عنك في كتابي؟..
ربما قهوة ممزوجة بالغياب..
شاي كلون شعري
كلون شوقي إليك في الاكواب..
ام ماء كالذي تحبه دوما
كمطر يسقط على التراب..
عيناك برد عنيد
وعيناي مملؤة بالخشب والجوز
فأنت لوني
وأنت شتائي وأنت حطابي!..
لا شجن هنا سوى ذاكرتي عنك
أحب الطريقة التي تمسك بها القلم
أحب يديك بلا خواتم
بلا اساور
بلا سجون وبلا عقاب..
أحب سترتك المعلقة خلف الباب..
أحب طريق منزلك
أحب مكان عملك
وأحب كل شيء يؤدي اليك فأنت محرابي..
فتغني قبيلة ذاكرتي
عنك بالهمس وبالضوضاء
عن جرحي المصاب..
تغني اشتقت لصوتك بتلك اللغة
وبتلك اللغة الأخرى
اشتقت لصوتك بكل القواميس وبكل اللغات
وبكل حالات الإعراب..
تنادي قبيلة ذاكرتي
بالسحر والطلاسم على المرج الضبابي..
فيصبح لون شعري اسودا كثأر القبيلة
كالغراب..
كلون بعدك عني
عن الطريق وعن منزلي وعن الإياب..
ها قد اتيت تدق بابي..
ورائحتك تغفو على كتفي
وعلى قميصي  وعلى ثيابي..
رائحة ليست برائحة الانتظار
ليست برائحة السجائر التي احرقتها لاجلك
وليست برائحة الاعقاب …

غادة رستم

الصورة في دمشق ٢٠١٥

جود

يدك الصغيرة قلبي
قدماك الصغيرتين رئتاي
رائحة استفراغك تشعرني بالدفء
يدك التي تمسك بأصبعي هي محفظة لمشاعريجود
بنتي وحبيبتي وحياتي كلها
قطعة سكر بيتحوكش حوليها النمل
في بعيونك نجوم بتضوي بس تضحكي
رح جبلك حمالة مشان ضلني حاملتك ليل نهار
روح واجي فيكي واتمشى معك نشتغل شغل البيت سوا
نجلي سوا
نمسح سوا
نقطع سلطة سوا
وننضف ببروناتك سوا
حتى لو ضهري وجعني زيادة معليش بيكفيني انك حدي وقلبك حد قلبي.
أنتي الملقط يلي ماسك ضهري يلي صاير شقفتين.
أنتي جسر بيناتهن
أنتي لزقة الجروح ع هالقلب يلي شبع تدفيش.
أنتي وحدك يلي بتخليني اضحك من قلبي وبصوت عالي ع جنوناتك .
بسمتك بوشي وقت كون معصبة بتكسر كل شي جليد حواليه
بتذكرني بروحي انو لسى فيني روح.
بدي نرسم سوا بس تكبري ونطوي تيابك سوا ونحطهن بالخزانة
بدي جبلك زريعة نزرعها سوا وعلمك شلون تديري بالك عليها
جبلك اكلات طيبة من الماركت وفرحك فيهن لأنك بتحبي الاكل كتير.
بدي جبلك أرنب بعيون مكحلة متل عيونك
وبقلب عيونو نجمة بتضوي متل نجمات عيونك
بس نجمة وحدة بس لانو نجمات عيونك أكتر .
بحب الليل بس يجي لأني بحب نام حدك
حد عيونك المغمضين ونجومهن الغافيةبتفيقي الصبح بتدوري عليي حواليكي
بتصبح بوشك كل يوم الصبح وبضحكاتك يلي بيطلو بس تشوفيني
صحيح انا ما عم لاقي وقت لاشرب قهوة الصبح بس
بشرب قهوة من لون عيونك .
بفطر ع لحسة من ريقك النازل من تمك
وبدفى بس ضمك
رح خليكي حدي ع طول
عم جمعلك تذكارات صغيرة ورح حطلك ياهن بصندوق خشبي لونو ع لون عيونك
مشان بس تكبري اعطيكي ياه تشوفيه
فيه كل شي مني ألك
كراكيب ذكرياتي معك
لحظات من حياتي ألك
مخبيتلك كتير شغلات جوا هالقلب
مخبيه بوري بوظة ع ليمون
وشوية قرفة وجوز
مخبيتلك ريحة معسل عنب بس اوعك تأركلي ها

ذكرياتخليكي حدي
اوعك تتركيني
اوعديني اوعي عني تغيبي
مشان هالضهر يضلو واقف ع حيلو
وهالقلب ما يوقع من التدفيش
خليكي حدي اوعك تتركيني ..

 

كتبت في ١١ يونيو ٢٠١٧