سجناء الحجر الصحي كالعصافير في الاقفاص …

الوان اكريليك ٤٠سم×٣٠سم

الوان اكريليك ٤٠سم×٣٠سم

سجناء الحجر الصحي كالعصافير في الاقفاص …

جود

يدك الصغيرة قلبي
قدماك الصغيرتين رئتاي
رائحة استفراغك تشعرني بالدفء
يدك التي تمسك بأصبعي هي محفظة لمشاعريجود
بنتي وحبيبتي وحياتي كلها
قطعة سكر بيتحوكش حوليها النمل
في بعيونك نجوم بتضوي بس تضحكي
رح جبلك حمالة مشان ضلني حاملتك ليل نهار
روح واجي فيكي واتمشى معك نشتغل شغل البيت سوا
نجلي سوا
نمسح سوا
نقطع سلطة سوا
وننضف ببروناتك سوا
حتى لو ضهري وجعني زيادة معليش بيكفيني انك حدي وقلبك حد قلبي.
أنتي الملقط يلي ماسك ضهري يلي صاير شقفتين.
أنتي جسر بيناتهن
أنتي لزقة الجروح ع هالقلب يلي شبع تدفيش.
أنتي وحدك يلي بتخليني اضحك من قلبي وبصوت عالي ع جنوناتك .
بسمتك بوشي وقت كون معصبة بتكسر كل شي جليد حواليه
بتذكرني بروحي انو لسى فيني روح.
بدي نرسم سوا بس تكبري ونطوي تيابك سوا ونحطهن بالخزانة
بدي جبلك زريعة نزرعها سوا وعلمك شلون تديري بالك عليها
جبلك اكلات طيبة من الماركت وفرحك فيهن لأنك بتحبي الاكل كتير.
بدي جبلك أرنب بعيون مكحلة متل عيونك
وبقلب عيونو نجمة بتضوي متل نجمات عيونك
بس نجمة وحدة بس لانو نجمات عيونك أكتر .
بحب الليل بس يجي لأني بحب نام حدك
حد عيونك المغمضين ونجومهن الغافيةبتفيقي الصبح بتدوري عليي حواليكي
بتصبح بوشك كل يوم الصبح وبضحكاتك يلي بيطلو بس تشوفيني
صحيح انا ما عم لاقي وقت لاشرب قهوة الصبح بس
بشرب قهوة من لون عيونك .
بفطر ع لحسة من ريقك النازل من تمك
وبدفى بس ضمك
رح خليكي حدي ع طول
عم جمعلك تذكارات صغيرة ورح حطلك ياهن بصندوق خشبي لونو ع لون عيونك
مشان بس تكبري اعطيكي ياه تشوفيه
فيه كل شي مني ألك
كراكيب ذكرياتي معك
لحظات من حياتي ألك
مخبيتلك كتير شغلات جوا هالقلب
مخبيه بوري بوظة ع ليمون
وشوية قرفة وجوز
مخبيتلك ريحة معسل عنب بس اوعك تأركلي ها

ذكرياتخليكي حدي
اوعك تتركيني
اوعديني اوعي عني تغيبي
مشان هالضهر يضلو واقف ع حيلو
وهالقلب ما يوقع من التدفيش
خليكي حدي اوعك تتركيني ..

 

كتبت في ١١ يونيو ٢٠١٧

 

 

إلى جدي العزيز

إلى جدي العزيز :
إشتقت إليك .. إشتقت لحنانك ولفخرك بي .. لا زلت أذكر كل تلك التفاصيل في شراييني وعيناي تعانقهما الدموع ..
ودعتك بوداع لم يليق بهذا السفر وهذا البعد الطويل .. ودعتك دون قبلة عندما أنا سافرت على عجلة .. لم يتسنى لي أن أودعك .. ولم أكن لأعلم بأنني لن أراك مرة أخرى .. بأنني لن أحصل على ذاك الالف ليرة من جيبك الدافئ كي أشتري ما أريد .. رغم عمري الكبير الا انك كنت ما زلت تعاملني كطفلة وكحفيدة لا زالت مشاكسة كأيامها في الصغر ..
بأنني لن أذهب معك لشراء الخضار والدواء..
بأنني لن أقول جدي مرة أخرى ..
لا زلت أذكر تلك الصباحات عندما كنت أنام في بيتك بعيدا عن منزلي لتغيير الروتين الممل وللتفريغ عن روحي الحبيسة التي لم تكن تعرف ما تريد في هذه الحياة .!
تلك المليئة بفناجين القهوة والتمر التي اعتدنا أن نشربها سوية مع جدتي وخالتي.
كم كنت تحب التمر المحشو بالجوز مثلي !
استيقاظي كعادتي في وقت متأخر كعادة شموسي العالية وحنانك الأبوي علي عند الطعام وعتبك المستمر لي كي ازوركم دائما.
إشتقت أن أجلب لك نظارتك عندما تطلبها مني.
إشتقت لتلك الذكريات التي كنت تقصها عليي عن طفولتي المشاكسة وعن مواقفي المضحكة ..
إشتقت لفخرك بي دوما .
في يوم سفري ،من بعد خطبتي وزواجي الذي كتبه الله لي على عجل، لا زلت أذكر جملتك بأنك لم تنم سعيدا ومرتاحا الا في تلك الليلة لأنك الآن اطمئننت علي.
ودعتني دون قبلة ومضيت .. ودعتني بهذه الجملة التي لن أنساها ما حييت ..
قبل ذهابي للمطار بساعتين اتصلت بي كي تخبرني بأنك لم تقبلني ولم تودعني لعجلة تلك الأمور وودعتني هاتفيا بصوتك الدافئ .. أغلقت السماعة ودمعت عيناي .. كيف سمحت لنفسي في خضم كل الأمور المستعجلة أن تذهب دون أن  تلقي على خدي قبلة وبعض الوصايا المعبقة بطعم الجد؟
لم أكن أدري بأن تلك ستكون آخر مرة سأراك فيها في هذا العالم المتواطئ.
وآخر مرة سأسمع فيها صوتك .
عندما تلقيت خبر وفاتك كنت في إحدى نقاط التهريب لليونان في تركيا مع زوجي، آلمني الخبر .. بكيت ، لا أدري لماذا بكيت كثيرا حينها .. لكنني لم استرسل في البكاء جيدا .. ربما صدمتي كانت أكبر .. ربما لأني لم اتوقع هكذا خبر ،رغم معرفتي بأنك في المشفى منذ انا سافرت الا أنه بلغني بأنك في تحسن مستمر.
بلغني بأنك كنت تسأل عني وعن أخباري وأنت في العناية المركزة كي تطمئن لوصولي بخير إلى اليونان في رحلة الموت هذه ..
إلى الان لا زلت أبكي كلما لاحت ذكرياتي عنك أمامي.
أحيانا أنسى بأنك قد ذهبت بعيدا
وأعود لاتذكر من جديد ..
أمي الحنونة اشتاقت إليك أيضا .
لم يكسرني كسرا ولم يحرق قلبي سوى تلك الجملة التي قالتها لي تلك المرة :
“لم يعد لدي حيل لقد كبرت يا أبنتي ”
لست أدري لم تمزق قلبي ولم تذكرتك ، ربما شعرت بأن أمي كبرت عندما أنت توفيت ..
هل يكبر الاشخاص عندما يفقدون أهاليهم؟
كم هو قاس الغياب .. فقدان الكتف التي كنت تستند عليها. حتى لو كانت كتفا هرمه وضعيفة الا انها معتقة بذكريات تخصك ..
معتقة بحضن وقبلات وبعتاب
رغم ضعفها الا انها أقوى الأكتاف.
فقدان تلك اليد الحانية التي تقوم بوضع البطانية عليك عندما تكون نائما بإهمال طفولي ..
جدي إشتقت لوجودك في الحياة.
أحبك وسأهديك لوحة قريبا ..
أبق فخورا بي كعادتك ..
وأبق مرتاحا وسعيدا ..
الرحمة لروحك الطاهرة ..

حفيدتك الأولى المخلصة ..

ذاكرة من خشب

عند شرفة المطبخ التقينا في الظلام. انا في مطبخ بيتنا وانت تقف على الارض التي يغطيها التراب بأعين خشبية اللون كعتق الجوز.
بقلوب تتشابه التقينا..
عيناك عينان عاشق وأصبعك مجروح بشوكة وردة قاسية كنت تقطفها لأجلي ..
بعض من الشوكولا وبعض من علب السجائر، ذلك النوع الذي لم أجربه بعد، تلك كانت هداياك لي ..
تحمل في جيب معطفك الجلدي أكثر من دفء وتحمل في ياقة قمصيك أكثر من ملاك.
لحيتك كمعطف شتوي أسود.
بنطالك ذو الجيوب الكثيرة المليئة بحنان يديك كلما غابتا فيهم وشردتا للحظة ..
عيناك تتلون كلما نظرت إلي ..
أحب جنونك ولطفك .. أحب اتصالاتنا التي تنتهي بغفوتك وما زال الخط مفتوحا..
أحب نظرات عينيك. أحب كل ما كان بيننا.
أحب تلك القطة التي كادت أن تسلل إلى المنزل من باب شرفة المطبخ المفتوح والتي أمسكتها بيدك اليسرى وبعينين لم تزح نظراتها عن عيني..
تلك الذكريات كونت جزءا من قلبي .. ذلك الجزء الذي يحمل ورودا بأشواك ، بعض الشوكولا ،علب سجائر أقلعت عن تدخينها الآن ، قطة متلصصة، وعينيك المملوءة بالجوز وضحكاتنا  ..

غادة رستم

وحي على كرسي هزاز
28/11/2015

سفر

على طرقات السفر نذرف ذاكرتنا

خلف النظرات الشاردة من وراء الزجاج

كم حلمت عينايَّ برؤيتك طوال الطريق

جيوب حقيبتي دافئة كثنيات جسدك

طيفك في كل اعمدة الانارة

في كل ضوء مصباح صغير

في قطعة الخبز التي احملها في يدي طعم جوعي اليك

اغلق عينيَّ

ارخي رأسي على الزجاج المهتز

ليت هذا الزجاج البارد كتفك

ليت تلك القشعريرة التي تلتحفني حينآ من البرد تكون لرؤيتك

في كل وجع من اوجاع الركاب أرى وجعي في بعدك عني

في تلك الوجوه التي يخبو عليها الضوء ويبدو كل خلافاتنا الصغيرة

في هويتي أجد انتمائي اليك

الى ضلع صدرك

الى ساحل كتفيك

الى غابة صدرك

الى جبال رجولتك

الى بحيرة كفك الدافئ

قطعت الطرقات شوقآ اليك

لصوتك

الذي يهديني كبوصلة نحو شمال روحي

كل الطرقات هي شوقي الذي يئن من وطء الاطارات

لثوانٍ شردتَ عينايَّ

أدركتُ بأنني اشتاقك الآن

لم كل شيء يتعلق بك؟

اتذكر فيروز وهي تغني:

لياليك بعينيي

شبابيك مضوية

سفرني حبيبي

سفرني بلياليك

غادة رستم

قصف

في حضرة القصف
لا يعلو سوى طيفك أمامي
وكأنك وجه آخر للموت
ووجه آخر للحياة

The Night’s Suns || شموس الليل

شموس الليل – القنابل الضوئية

حين يضيئ الليل بشمس لدقيقة
تلك الشموس المتحركة
التي لا تلبث حين تسقط أن تشعل حرائقآ
حبك هو شمس ليلي
وحراقئك داخلي عابثة .. صاخبة
لم تكن يومآ مفتعلة
بل كانت قدرية الافتعال
قدرية الاشتعال
فكل الشموس أنت
وكل الحرائق أنت

مدينة الزبداني || سوريا

Syrian Martyr

bidding farewell to the Syrian Martyr .. Nour Al – dalaty
27/3/2012

وداع الشهيدة نور الدالاتي
الزبداني – 27/3/2012

عشر طعشر حاجز!

مشاهد من على الحواجز من رحلتي الى الشام الاسبوعية

( حاكم النزلة ع الشام صارت تاخد وقت متل السفرة ع شي بلد بعيد بطيارة
او ع شي محافظة بسيارة)
أضافة الى أنو بمرق ع عشر طعشر حاجز!

حاجز أوعك تتلبك!

– يا سيد فلان شو جايي تساوي هون؟
– انا رايح لعند أبن عمي
– ووين أبن عمك ؟
– ببلودان
– شو بيشتغل ؟
– ما بعرف!
– أي انزيل لكان

وراح الزلمة ونزل ومشينا بالسرفيس من دونو
طبعآ هو هربان من القصف ع منطقة آمنة وكذب انو عند أبن عمو قاعد!

حاجز عايش ع القلة

– فلان الفلاني شو جايي تساوي هون؟ ووين سند الاقامة؟
– أنا جايي زيارة لعند بيت عمتي
– بس يصير القصف ع منطقتكن بتشطرو تساوو زيارات لعند عمتكن!

حاجز لئيم

– أنا من السودان
– شو جايي تساوي هون؟
– ساكن من زمان هون
– من وين من السودان؟
– من الخرطوم
– خرطوم .. نبريش .. هع هع هع هع!!!! يلا امشو

بحب قول للمجند ( ضحكة عنزة ع باب المسلخ)

حاجز لئيم تاني

– شوفي بقلب هالكياس؟
– شو بدو يكون في يعني؟ تياب..
– وليش عم تصرخي؟
يلي حدها بتقول: – ما عم تصرخ
– يعني شو بدو يكون جهاز عرايس .. شو رايك تفتشهن يعني؟!
– …………….
صوت تسكير لباب السرفيس ..
– يلا امشو

حاجز ع اساس ظريف

 

– النسوان .. فتحو جزادينكن مشان نفتش
– ……….بيفتش المجند بالشناتي وبيسأل كمان عن يلي بقلبهن !

 

– يا لطيف شو بتحطو مكياج ع وجوهكن!
– ……….

حاجز مالو طعمة

– انتي..! عطينا هويتك!

عم يقولها طبعآ بكل جاهزية واستنفار مفكر انو بدو ينأزني

– أكيد .. تفضل (بكل هدوء)

تأملات في الهوية على ضوء السرفيس
وتأملات وتأملات .. طبعآ الها نهاية ..

والا ما كنا مشينا!

حاجز قريب من الشام

– عطيني هويتك !

– تفضل

تأملات أخرى بالهوية مع تقليب الها وكأنها مخلوق عجيب !

– شو بتدرسي أنتي؟
– ماجسيتر
– شو؟
– ماجستيييييييييير (بعلي صوتي )

بيصفن الزلمة وبيطلع بالهوية .. طبعآ هو صافن بكلمة ماجستير
يمكن أول مرة بيسمعها!

حاجز بينطر كتير

شي تلات ارباع الساعة بنوقف عليه
بينزل حدا من الركاب وبيمشي مشي لعند الحاجز وبيقلهن معنا طلاب جامعات وعندهن دوام
لحتى نمرق ع الخط العسكري بسرعة
والعملية كلها بتاخد ربع ساعة طبعآ
ويا محلا الخط العسكري

حاجز الئم من يلي سبقو

مرة تعطل فينا السرفيس واضطرينا نطلع بشاحنة كبيرة
طلعو الشباب ورا ونحنا تلات بنات طلعنا جنب الشوفير

 

– نزلي هاالكراسي يلي ورا!
– ههههه! عم تحكي جد؟
– لا مفكرني عم أمزح يعني؟ مفكرني عم أمزح؟؟
– انا فكرتك عم تمزح معي
– ….. !! والله العظيم انا رح فرجيك .. حسابك عندي
بس كرمال هالصبايا رح مرقك هالمرة .. بس وقت شوفك مرة تانية حسابك عندي !!
– …………

ومرقنا مرقة كرمالنا نحنا الصبايا!

على أحد الحواجز

– نزلو لفتش السرفيس

نزلنا
فتش السرفيس تفتيش دقيق
وجكر الزلمة .. مفكر حالو عنجد رح يلاقي شي فيه
قلنا طلعو
وتطلع فينا نظرة جكر وحقد
وسكر الباب بقوة وعيونو عم تقدح شرر!

آخر حاجز ..

– كل مرة بدكن تنزلونا من السرفيس مشان تفتشوه
والله تفتش السرفيس ع الحاجز يلي قبلكن ويلي قبلو كمان!
– بس تخلصو هالحرية بنبطل نفتشكن!

بقول لـ يلي حدي:
حتى لو بدكن تنزلونا وتطلعونا وننطر كل هالقد
ما رح نخلص هالحرية ..

The Silver Linings Of Shells || الجانب المُشرق للقذائف

وأنا أتجول في مدينة الزبداني حيث كنتُ أقيم ،تحديدآ في شارع (عين الحمة) ، وانا في طريقي الى بيت جدي هناك
مُمسكة في يدي موبايلي وانا التقط صور الدمار ، وجدتُ هذا الجدار المُنكفئ بسبب ..أحدى القذائف التي امتلئ بها الشارع
من هذه الفجوة في الجدار هنا ربيع وعشب أخضر ..
..ربما لولا القذائف لم أكن لأرى هذه المنظر الجميل الذي تعج به مدينتي حاليآ